Saarländischer Mundartpreis 2015

Preise in der Kategorie
Lyrik

Die Trophäe: Der »SR 3-Lautsprecher«, ein von Dominique Fox gestaltetes Kunstwerk, zur Verfügung gestellt von SR 3 Saarlandwelle.

Die Preisträger

1. Preis Lyrik
Melanie Fischer-Krupp

»Unglick«

Unglick bringst sahn die Leit,
wemma so frieh defun verzehlt.
Es kennt jo noch was basehre.

Unn so hat ses fer sich behall,
als wärs gah net doh.
Wollt abwahde,
bes mahs sahn derf,
ganz offiziell.

Doch dann is alles annerschder komm,
unn die Welt is iwwer ehr sesamme gefall.
Kranks wars Wermche,
arisch krank,
de letzschde Ulltraschall eh Kataschtrohf.

Jetzt konnt se nix mäh sahn.
Was hätt se sahn solle?
Unn wem?
Es hat ja kenner was defun gewisst.

Unn so hat ses misse dohd uff die Welt bringe,
ganz aläh,
das kläh Bobbelche,
das se sechzeh Woche unner ehrm Herz getrah hat,
unn von dem kenner wehs,
weils Unglick bringt,
so frieh defun se verzehle.

2. Preis Lyrik
Patrik H. Feltes

»Da bluudich Moond«

Givda mòòl richtich root, da Moond
In hellschda Naat
Unn laaft voabei en Schatten mittenduich
Dann gett de Welt se Grunn,
Hannse gesaat.
Unn Falschhätt givt belohnt!

Et is ääm nit ään duun
Deen bluudich Moond dann aanseluun!
Mim rooden Moond de Welt is rum.
Uunt hääscht, datt Feia dann vum Himmel fällt
Unn datt Neimerdarei unn Deiweln kummen in de Welt –
Dòò hat datt mit se duun!
Datt sinn de beesen Zaaichen
Wo lehren uus nit abseweichen
Vum graaden Leewensweech.
Duut ma datt nit, muss mat berappen
Unn määschdens schnella als mat ingesitt!

De Leit kummt heit datt nimmeh in de Sinn:
Da Moond gezaaicht,
Weil mia all schuldich sinn
Aam Eelend uff da Welt,
gesitt heit kääna richtich in!
Unn graad, weil trotzdeem is
Vill Falschhätt uff da Welt
Weist uus da bluudich Moond
Datt Gutthätt vun de Leit
Aam Enn doch meeh wie alles zeehlt!

3. Preis Lyrik
Guido Defland

»Warm getreemt«

Berch dreggisch Wesch vun de Woch
ingewächt iwer Naacht
kocht morjets frieh in Säfebrieh
schwere treppsnasse Labbe
mem Weschleffel niwer in die groß Preng.
Un dann gehts uf un ab un rapp un rapp
iwers rubbelich Weschbrett
hartnäggisch Plagge extra geschrubbt
ausgedreht iwers Handgelenk
logger geschiddelt un
ab uff die Triggel.
Geschafft! Bumsall!
Gefall dotmied ins Bett
is ball in anrer Welt.

Dreggisch Wesch vun de Woch.
Weißer Kaschde mit rundem
Loch fillt in, drickt’s Kneppche
hockt im Sessel beime Treppche
die Wesch beweet sich rundidum
wie e Rad im Kräß erum
im Kaschde rauscht de Säfeschaum
do werd se wach. Ach, nor e Traum.
Hemde, Hose, Socke
gewesch un fascht schun trocke
un – ich – hocke
ausgeruht un wohlgemut
mit Speckärm in de Sunn?
Ich glaawes net. Doch scheen wär’s schun.

Gewinnerbeiträge anhören