Saarländischer Mundartpreis 2017

Preise in der Kategorie
Lyrik

Die Trophäe: Der »SR 3-Lautsprecher«, ein von Dominique Fox gestaltetes Kunstwerk, zur Verfügung gestellt von SR 3 Saarlandwelle.

Die Preisträger

1. Preis Lyrik
Relinde Niederländer

»Wohin?«

Eraus aus em Feier
in e anneres Lääwe
ohne Inladung
de Wääg geblaschdert
mett Hunger, Matsch unn Angscht
es letschde Hemd iss ausgezoo

Ankomme ohne Gewähr
im neie Lääwe
offene Hänn unn kalde Schuldere
kenn Feier meeh
awwer schunn Flämmscha
hie unn doo

Schduuri Hoffnung
Waadeschleif noo Gebrauchsanweisung
fremde Buchschdaawe
uff weißem Babbier
s’iss alles annerschd
unn’s Door zum Paradies
seit Adam unn Eva verroscht

Vielleicht …
wenn ma allegaa dran riddele dääde…

2. Preis Lyrik
Esther Dewes

»Ebbes es annerschd woohr«

Faschd hädd mer’s nedd gemerkd.
Ebbes es annerschd woohr.
Sie senn nemmeh doo, die Sonneschdrahle,
die ääne gedraah hann.
Enniwwer enn de Herbschd.
Mer schbierd schon e kaldes Lifdsche.
Das kälzd nooh dem lange, welde, heiße Sommer.
Ess schiddeld ääne, awwer nedd nur for Käld.
Newwel nedzd die Haut, losst ääne de Wää nemmeh finne.
Wohin noore, wohin? Immer rischd enaus.
Off dem korze Wääh, der äänem noch bleibd,
geplaschderd medd gedroggelde Blädder,
e paar rode, e paar gääle awwer vor allem braune.
Es rieschd nooh Modder unn schwerem, schwarzem Grund.
Schbinneweewe leje sich iwwers Denke,
klewwerisch-zäh unn grooh,
drängele ääne enns Vergesse
unn degge noo unn noo Erinnerunge zu.
Manschmool siehd mer ne vorbeireide unn denkd:
Dääd er nur ball komme, dann hädd mer’s iwwerschdann.

3. Preis Lyrik
Patric Rieks

»Annerschd kann dich’s Lewe koschde«

In da Schul nit uffgepasst,
in da Lehr nur Geld verprasst,
uff da Schaff die Supp vermasselt
un dehemm die Alt gedrasselt.
In da Kneip die Schniss geschwad,
gär e rechter Spruch parat,
emool an de Falsche kumm,
jetzt leid a do im Bodde rum.
Er war halt annerschd!

Gewinnerbeiträge anhören