Mosel- und rheinfränkischer Mundartwettbewerb

Völklinger Platt 2001

Inge Andler-Laurenz, 2001

Preisverleihung Völklinger Platt 2001

Zwei Jury-Mitglieder:
Marie-Elisabeth Denzer, SR 3
Karl-Heinz Schäffner, Kulturamtsleiter der Stadt Völklingen

Die Preisträger

1. Preis
Jean-Louis Kieffer

»Mojens fréih iwwer der Hétt«

De letscht Stéeren
Ohne eppes ze saan
Rutschen langsam fott
Lo hénnen
Iwwer de blou’ Béerjen.

Un de lang Féngern von der Naat
Häämeln noch en bessien de Wolken.
De Schuerschten iwwer der Hétt
Nujheln sich zesammen
Un zéihen sich zeréck
Verroschtet én der Naat.

Un de lang Féngern von de Wolken
Verkroozeln nur noch de Welt.
Keen Damp, keen Feier
Keen Blétz, keen Krach
Meh
Nur noch
En rouder Stréch am Horizont
Un et Peschpern von der Naat.

Un de Hett
Streckt sein Schuerschten
En de Ewigkeet rénn
Wéi de lang Féngern von der Naat.

2. Preis
Peter Eckert

»Novembernaachd«

Mei blauer Summeròòdem roschd im Schrank,
im Schuh’kaddong bei Ruggsagg unn Sandale.
Am Leffelblesch der Pudsche Sunneschdrahle,
wo glänsd wie frisch gebuddsd unn bliddseblank,
va’welgd, is iwwer Naachd schunn faschd va’dorrd.
Nowember dirigierd de Schlussakkord.

Isch sing mei Liedsche aus Novemberrän,
aus Schbinnefädem zwische Newwelpaaade,
aus längschd va’bliider Zeid, vadòòn im Waade.
Hohl drehnd mei Schridd, isch lauschdere allän.
Jung waa das Läwe, daas im Boddem ruhd,
ald is die Angschd. Isch sing ma selwer Muud.

An Newwelwääsche zwische doode Gnubbe,
im Zwielischd zwische Dunggelhääd unn Naachd,
wo’s Schilf am schwaddse Wasser Gringel raachd,
va’robbde Geischder dursch die Hegge schlubbe,
dribbsd Bladd forr Bladd vum Baam e aldes Jòhr
va’siggerd – zwische kaum gedräämd un wòhr.

Nowembernaachd, wohin werr’isch misch fihre?
Isch such misch, lang schunn meinem Bligg end’schwunn,
vamiss mich so – unn hann misch nidd gefunn.
Isch muss misch noch im Suche gans valiere
unn werre langsam, Schdigg forr Schdigg, zum Schdään.
Isch sing mei Liedsche aus Novemberrän.

3. Preis
Hans Bläs

»Die honn nix genn«

Om Rosemondach hugg ich mit meina Frau gemietlich im Zimma. Uff ämol klingelt’s. Wie ich die Hausdier uffmache, schdehn do zwei vaweechene Geschdalde. Im Gesicht sinn se rot un braun vamoolt, on da Seit hat jeda e schwera Colt hänge. Der klänschd Faasebooz war vielleicht vier Johr alt, der onna siwwe. Ma hat direkt gesiehn, dass es Brieda ware, sie honn sich geglich gehutzt wie geschputzt. Sie singe:

»S is Faasenacht, s is Faasenacht, die Kiechelcha sinn gebaggt, eraus demit, eraus demit, mia schdeche se in de Sack.«

Der Klännschd hat’s noch nit so richdich gekinnt un denne Große beim Singe imma oongeguckt. Wie se ferdich ware, honn ich denne Klääne gefrood:

»Was sinna donn fier Booze?»

»Ei – ei, Faasebooze.«

»Ja«, saat ich, un schdelle mich e bissje dumm. »Bisch du e Reiwa odda e Prinzessin – odda was?«

»Ääh – Prinzessin!« saat er vaächtlich un tuppt sich mim Finga on sei Schlääf. Ich war ihm zu tobisch.

»Mia sinn Kauboys«, saat do der Äldschd.

»Kauboys«, echot der Klään.

»Wodroon mergt ma donn das?«

»Ei, mia schieße – un do.« Er zei’t uff sei Kauboyhut.

Mia schieße imma, echot der Klään.

»Uff was schieße na donn?»

Der Groß: »Ei, wo ma nix grien gebbt geschuss.«

Der Klään: »Do gebbt geschuss.«

»Au, do muß ich eich jo dabba ebbes genn, Awwa, was mach ich jetzt bloß, mia honn ga kä Faasekiechelcha im Haus.«

Do saat der Älschd: »Mia holle ach onneres.«

»Holle na ach Geld?«

»Nodierlich, das is es Beschde.«

Ich halle dem Groß e Geldschdigg hin, dem Klään a Tafel Schoklad.

»Uwe, holl die Schnäägestasch!« saat der Äldschd un losst das Geld, »es Beschde«, wie a saat, imme Leddabeidel vaschwinne. Der klään Kauboy hollt e Leinebeidel von da Schulla un vaschdaud de Schoklad in da »Schnäägestasch«.

Großer Kauboy: »Danke!«

Klääna Kauboy: »Danke!«

Die zwei mache kehrt un ziehe die Brick.

Eh se um die Hauseck gehn, schießt der Groß schrääch geeniwwa uff e Haus. Er dräht sich rum un saat, damit ich die Sach begreife: »Die honn nix genn, die sinn se kniggich!«

4. Preis
Gertrud Schwöbel

»Johrelong, Womechlich lewenslong«

sesomme

schaffe
leide
schwitze
meckre
heile
schnawwele
friere
knatsche
maule
schelle,

sesomme

feijere
faulenze
frohsinn
lache
ruhichsinn
sich freije
schloofe,

ewe johrelong sesomme lewe,
alles oft iwwerenstimmend,
weil mir uns hald ger hon,

onnernfalls hät mar das »sesomme« nit ausgehall.

5. Preis
Alfred Funk

»Schold un allem woor allään de Kaiser Napoleon«

Vier rond 190 Joohren hott bai oos de Kaiser Napoleon et Soan. Bes noo Moskau es en 1812 gezuuh metter grußer Armee. Bai de Soldaaten aus der Gejend vu Saarlouis es vu mainer Mamm hierer Sait och d’n Urgruußpapp vun der Gruuß gewiescht. Gebuuhr woor dänn em Joohr 1791. Dicks hott oos de Gruuß vun dänne schlechten Zaiten verzellt, die hieren Urgruußpapp u sain Famillich hu mossen en der Kreichszait dorrichmaachen.

Iwer e Joohr lang woscht käänen wou hän es; de Famillich hott schu gekläwt, e wär gefall wie sain Kollejen. En där schlemmer Zait es 1813 de klääne Johann op de Wält komm. Fier sain Mamm es dat besonnerscht schwäär gewiescht; se woor neemlich doch net gehairoth, wail de Papp vum klääne Johann hott mossen op de Stepplingen en de Kreich. Dozou es noch komm, dat de Mamm katholisch un de Papp evangelisch woor. Doomools es dat net ääfach gewiescht. De klääne Johann hunn se katholisch gedääft un him d’n Nummen vu sainer Mamm genn. Met hierem Kend es die bai hierem Papp un hierer Mamm em Haus bliff.