Mosel- und rheinfränkischer Mundartwettbewerb

Völklinger Platt 2005

Dominique Colombino, 2005

Georg Fox

»Pladd-Schwäddse, Pladd schreiwe!«

Wass muss mer wie schreiwe,
fier dòò dse gewinne?
Wass schreibd mer gans vòòre
unn wass schreibd mer hinne!
Wass soll mer verdsehle
vunn friejer unn heid,
vunn wemm unn vunn welle
und vunn wass fier Leid?

De kannschd alles schreiwe,
ob lieb òdder fresch.
Egal, wass de inschiggschd!
Nuur ääns: »Schwädds kään Blesch!«

Preisverleihung Völklinger Platt 2005

Oberbürgermeister Klaus Lorig im Gespräch mit dem SR Moderator Bernhard Stigulinsky

Die Preisträger

1. Preis
Hans-Walter Lorang

»Héttenkloowen«

Héttenkloowen
Annem Hochoowen
Dò haschde gestann
Wer wääß wie lang
Daachsiwwa in da Naat
Un haschd de Schicht geschwaat

Weil stehn annere lò wo Dau
Geplotzt haschd un vazehlen schlau
Da Welt von Erwen un Kultur
Un off äämool bischde némmé nur
Da Héttenkloowen
Vonnem Hochoowen

2. Preis
Norbert Schneider

»De eiseharde Ausbutzer…«

Em Thomas sei Oba war vor ääm Johr gestorb unn jetz, wo de Grabstää gesetzt war, sollt doch aach es Grab gemach werre. Do wollt do Thomas unbedingt methelfe, weil er sich met seim Oba immer gut vestann hatt. Jede Daach hatt der sich bei seim Enggelche erkunnicht, wie`s in de Schul gelääf war unn de Thomas hatt om Oba seine Libbe gehonk bei dem seine Vezehlcher vun de Arwet uff de Hitt. Vor allem iwwer Fußball harre die zwää als richdiche Experdegespreecher gefehrt. De Thomas war eerscht zwelf, awwer er hot sich ausgekennt wie e Alder. Nää, do hot em kääner ebbes vormache kenne. Die Mudder hot jetz vorm Grab gestann unn hot e paar Mol vesucht, die Planze in Reihe se setze. Awwer es hot ehr ääfach nit gefall unn es sollt doch schee aussieh uff em Oba seim Grab. De Thomas hot e Zeitlang zugeguckt, dann saarer: »Du, Mama, stell der mol vor, em Oba sei Grab wär e Fußball- feld. Das Flache do newe anne« – es war de Efei – »das sein die Zuschauer. Das große Griene« – es war e Farn – »hogge mer vor de Stää, das ess de Dormann. Unn das wo rosa blieht« – es ware nei Eriga-Steggelcher – »setze mer wie e Fußballmannschaft. Do hummer jetz die Wahl: Wammer die Auswärtsuffstellung nemme, mache mer es Middelfeld sterk, wammer e Häämspeel hunn, speele mer met drei Spitze!« Unn dodebei horrer die Planze de jeweilich Uffstellung noo hiegeleet. Die Mudder konnt nix dezu saan unn wie de Thomas dann die eise Grablamp zwische dene Dormann-Farn unn die hinnerschde Veteidicher-Eriga gestellt hot unn saat: »Unn dasdoo ess de Oba, weil der immer vezehlt hot, er wär frieer e eiseharder Ausbutzer geweescht, neegscht so hart wie das Eise uff de Hitt!«, do hot die Mudder em Thomas iwwer de Kopp gestrech unn um ehr Aaue erum hot`s e bissje nass geschimmert…

3. Preis
Erich Thomas

»Blògg«

Òus
Aaeuehehle
lèèr
loud Laaed end Land.
Die Fraaed,
verfall,
hadd frejh die Faaev verlòòr.

En
Hòubehèlme
Wäiß
Huggd Hand en Hand
– soo jong nòch on soo ald schon –
schdell
e Paar
on schwaaeid.

On
wiisawii
dolld
Luschd on Lèèwe
òusgelòssd
dorschd
greijne Graas
– e Dòuwepaar –.

Ed läischde
Roose rood am Rand
Em Òòwendschäin.
Vergissmeinnicht
Bleijhd blòò.

Der Daach
naaied
nòh on nòh
sisch
en die Nahd.

Sonderpreis Kurztext
Uschi Edelmann

»Blògg«

Es gebd Leit denne langts ned dass es ne gut ged,
nää, de annere solls ach noch schlecht gehn.
Dann sen se sefriede.